БИШКЕК, 17 июн. — Sputnik. Коомдук жайда заара ушатты делген милиционер туурасында социалдык тармакка сүрөт чыгып кеткенден кийин ал иштен айдалган. Бул туурасында Sputnik Кыргызстан агенттигине тартип коргоочу Виктор Алексеев өзү айтып берди.
Буга чейин Instagram социалдык тармагындагы bishpromogroup профилинде жарыяланган сүрөттө милиционер таштанды челектеринин жанында заара ушатып жатканын көрүүгө болот. Сүрөткө ошондой эле MVD 142 B мамлекеттик номерлүү "НИВА" үлгүсүндөгү автоунаа дагы түшүп калган. Маалыматка ылайык, окуя Гоголь көчөсүнүн Киев жана Токтогул көчөлөрөнүн ортосундагы бөлүгүндө болгон.
42 жаштагы милиционер кызматтан айдалышын мыйзамсыз деп атап, ага далилдер жок деген пикирин билдирди. Алексеев кепке келип, биздин кабарчыбыздын бир нече суроолоруна жооп берүүгө макул болду.
— Сиз чын эле ошол жерде заара кылып жаттыңыз беле?
— Чындыгында мен таштанды салынган контейнерге банканын түбүндө калган тамак-ашты ыргытайын деп баргам. Ошол учурда мени сүрөткө тартып алышыптыр. Бир караганда милиция кийимчен киши таштандынын жанында заара кылып жаткандай көрүнөт экен. Жанында машинеси токтоп тураса… Албетте, анан сөз болуп кетти өңдөнөт.
— Бизге жеткен маалыматтарга караганда боюнча кызматтык иликтөө болуптур го?
— Ооба. Мен эч нерсе деп талашып, ызылдаган эмесмин. Жөн гана сөгүш берип же кызматка туура келбеген иш болду деп катуу сөгүш жарыялайт деп ойлогом. Бирок, ишеничти актаган жок деген маанайда ички иштер органынан иштеп бошотуп салышты. Ал эми менин Ички иштер органында, анын ичинен криминалистикада 18 жыл иштегендигим тууралуу бир ооз да кеп айтылган жок.
— Эми эмне кылайын деп турасыз?
Виктор Алексеев менен бирге иштеген кесиптештери да анын иштен алынышы адилетсиз болгондугун айтышты.
